ఈ వారం నాకు నచ్చిన జోక్స్

1. నిన్నే పెళ్ళాడుతా

ఇందిరాపార్కు, సాయంత్రం ఆరు గంటలు ....
" మా అమ్మకు కూడా నీవు బాగా నచ్చావు తెలుసా " మాధవ్ ముక్కు పిండుతూ గోముగా అంది రాధ.
"ఎంత నచ్చినా నేను మాత్రం నిన్నే చేసుకుంటాను రాధా" ఖచ్చితంగా చెప్పాడు మాధవ్ ముక్కు రుద్దుకుంటూ.


2. విప్పి చూడు

"డాక్టర్ , నాకు రోజురోజుకూ మతి మరుపు ఎక్కువవుతోంది. నడిరోడ్డు ఫై నడుస్తుంటానా.. హఠాత్తుగా ఆఫీసుకు వెళ్తున్నానో, ఇంటికి వెళ్తున్నానో మర్చిపోతాను..." వాపోయాడు భజగోవిందం.

" వెంటనే మీ కేరేజీ గిన్నె మూత తీసి చూడండి. గిన్నె ఖాళీ గా వుంటే ఇంటికి వెళ్తున్నట్లు. నిండుగా వుంటే ఆఫీసుకు వెళ్తున్నట్లు...." చెప్పాడు డాక్టర్ చాల నింపాదిగా.

౩. బ్రేక్ ఫెయిల్
"మీకేమైనా పిచ్చెక్కిందా ? ఏమిటా స్పీడు ? స్కూటర్ స్పీడు తగ్గించండి " అరిచింది కాంతం .

"పిచ్చి మొద్దూ, బ్రేకులు ఫెయిల్ అయ్యాయే . ఆక్సిడెంట్ కాక ముందే మనం ఇంటికి చేరుకోవాలనీ ..."చెప్పాడు కాంతం భర్త .

4. ఏదైనా దేశానికి మేలే

వైకుంఠం కొత్తగా మిలటరీలో చేరాడు. ఆయనకొక గన్ ఇవ్వగానే, ఎదురుగా వున్న ఆఫీసురుతో ,"శత్రువుతో పోరాడినప్పుడు గురి ఎటువైపు పెట్టాలి సార్?" అని అడిగాడు.

వైకుంఠాన్ని ఎగాదిగా చూసి " ఎటు వైపు పెట్టినా దేశానికీ మేలే" చిరాగ్గా గొణుగుతూ
ముందుకు కదిలాడు ఆఫీసర్ .

5. వైఫంటే

" అసలు నీకు వైఫంటే అర్ధం తెలిసేడిస్తేగా ?" కోపంగా అంది కాంతం.
" నిన్ను పెళ్లి చేసున్నాకే తెలిసింది. (W) వితవుట్ (I) ఇన్ఫర్మేషన్(F) ఫైటింగ్ (E) ఎవిరి టైం ....అని "మరింత కోపంగా చెప్పాడు జోగినాథం.

" కాదు... (w)విత్ (I)ఇడియట్ (F)ఫర్ (E)ఎవర్ " అరిచింది కాంతం .